Guru Stuti [1]
|| śrī guru stutī ||

by Vasiṣṭha Kavyakantha Ganapati Muni

yo babhāṇābhaṇanneva munibhyo brahma nirdvayam |
dakṣiṇāmūrtaye tasmai prajñānagurave namaḥ || 1 ||

sthāpitaṃ brahmaniṣṭhena yenādvaitamataṃ bhuvi |
tasmai śaṅkarasaṃjñāya vijñānagurave namaḥ || 2 ||

aṃśāvatāraḥ skandasya viśvācāryo vidāṃ varaḥ |
praṇamyate mahābhāgo ramaṇo bhagavānṛṣiḥ || 3 ||

dakṣiṇāmūrtisārambhāṃ śaṅkarācāryamadhyamām |
ramaṇācāryaparyantāṃ vande guruparamparām || 4 ||

timirāṇi na kevalaṃ vacobhiḥ karuṇāpāṅgavilokitaiśca nṝṇām |
hṛdaye prasaranti mardayantaṃ bhagavantaṃ ramaṇaṃ guruṃ namāmi || 5 ||

|| iti śrībhagavanmaharṣiramaṇāntevāsino vāsiṣṭhasya
narasiṃhasūnoḥ gaṇapateḥ kṛtiḥ śrīgurustutiḥ samāptā ||

anuṣṭubvṛttam (1-4) । subodhitāvṛttam (5)

1. the source of the above transliteration is available on sanskritdocuments.org