guru gItam

 1  avyaktAdyata etad vyaktaM jaatamasheSham .
        yad dhatte tadajasraM yatrAnte layameti ..

 2  aadhaare khalu yasmin golaanAM saha laxaiH .
        brahmaaNDaM pratitiSThatyetannistulasatve ..

 3  sUryAdigrahabhAsAM yanmUlaM ghanatejaH .
        yad brahmAdisurANAM shakt\ yai shaktirutAho ..

 4  GYaatvA tattvamasa~NgA bhAsA yasya ramante .
        yajjAlena samaste dvaitexA.alpamatInAm ..

 5  yaddhyAnena bhavanti svAtmAnandanimagnAH .
        yanniShThA khalu muktiryachChando.api tadarthaH ..

 6  tad brahma praNavAkhyaM citte dhyAnakR^ite me .
        ashrAntaM ramaNAkhyAM bibhrad bhAtu madiShTAm ..

 7  AdhAre dhR^itamUlaM hArdAbje kR^itavAsam .
        shIrSAbjAya vahadyatpaShchAdindriyashakt\ yai ..

 8  dR^iSTyAM tatra parAcyAM yaddehabhramakAri .
        AvR^ittaM tu punaryat svAtmaikyAnubhavAya ..

 9  pashyadvA viSayaughaM vishrAntaM yadutAho .
        mukt\ yai saMsthitamantarvR^ityaikyAnubhavena ..

10  AtmajyotiridaM me bibhrANaM ramaNAkhyAm .
        ashrAntaM sphuratAt tat shuddha hArdasaroje ..

11  yaddIpAdramaNAkhyAd vyAptaM gANapatIShu .
        vANIbhittiSu dhatte gItAcitravilAsam ..

12  yad hanti ~nChavijAlairadnyAnAM timirANi .
        tattattvaM sphuratAdvaH tAradhAnasamAdhau ..

13  yAtAyAtabihArairAdhAreShu ca shIrSe .
        saMcAraM vidadhAnaM kiM cAsheShavisAri ..

14  Alambena vihInaM vyomAmaM paripUrNam .
        nishshabdaM gururUpaM tad brahma sphuratAnme ..

15  dnyAnaM bhAti parokShaM yattattvashravaNena .
        yatsA~NgatyavisheSho hetuH syAdaparokShe ..

16  yaccintA sthiramukt\ yai brahmaitadramaNAkhyam .
        mAmAvR^itya samantAdAnande nidadhAtu ..

17  tArAnandaniyuktaH prItyA tasya matena .
        AdhAddIptagabhIraM vAsiShTho gurugItam ..